§ 1. FØREMÅL
Senterkvinnene sitt mål er å vekkje interesse for Senterpartiet sin politikk mellom kvinner for dermed å dyktiggjere fleire for deltaking i arbeidet for eit stadig betre samfunn.
 
Senterkvinnene skal arbeide i samsvar med partiet sitt grunnsyn, lover og prinsippielle program.
 
 
§ 2. ORGANISASJON
Senterkvinnene sin organisasjon byggjer på personleg medlemskap i Senterpartiet og er bygd opp slik:
 
a. Senterpartikvinner i kvart lokallag, med partiårsmøtet som høgste styringsorgan.
 
b1. Fylkesorganisasjon som vert danna av alle lokale Senterpartikvinner innan eit fylke, og har eige årsmøte som høgste styringsorgan.
 
b2. Fylkesorganisasjon som vert danna av alle lokale Senterpartikvinner innan eit fylke. Senterpartiårsmøtet i fylket vel eit Kvinnepolitisk utval som er høgste styringsorgan.
 
c. Hovedorganisasjon (Senterkvinnene) som vert danna av alle fylkesorganisasjonane i landet, og har landsmøtet som høgste styringsorgan.
 
 
§ 3. ARBEIDET LOKALT
I kvart lokallag vert arbeidet leda av eit kontaktutval/styre beståande av minimum leiar, nestleiar og studieleiar med varamedlemmer.
 
Leiar i kontaktutvalet/styret er medlem av styret for lokallaget i Senterpartiet.
 
Der det viser seg vanskeleg å nemne opp kontaktutval/styre, må det på årsmøtet til partiet veljast ein Senterkvinne-kontakt til medlem av lokallagsstyret.
 
 
 
Organiseringsform 1: Kontaktutval/Senterkvinnekontakt
Kontaktutval/Senterkvinnekontakt velgast på årsmøtet til Senterpartiet.
 
Kontaktutvalet/senterkvinnekontakten skal:
a.  Vere fylkesstyret/kvinneutvalet sin kontakt i lokallaget.
b.  Arbeide for å engasjere fleire kvinner i det lokale partiarbeidet.
c.  Arbeide for å auke talet på nye medlemmer.
d.  Ta opp aktuelle saker lokalt og fremje dei gjennom dei rette organ.
 
 
Organiseringsform 2: Lokallagsstyre
Der kvinnene i eit lokallag vel å danne eige styre, skal dette vere sett saman av 4-5 medlemmer med varamedlemmer. Desse vert valde på eit årsmøte der alle dei kvinnelege medlemmene i Senterpartiet er innalla.
 
Styret skal:
a.       halde møter når leiaren finn det nødvendig, når fylkesorganisasjonen bed om det, 
        eller når minst to styremedlemmer krev det.
b.      kalle saman til medlemsmøte og trekkje opp retningsliner for arbeidet.
c.       vere fylkesstyret/kvinneutvalet sin kontakt i lokallaget.
d.      arbeide for å engasjere fleire kvinner i det lokale partiarbeidet.
e.       arbeide for å auke talet på nye medlemmer.
f.        ta opp aktuelle saker lokalt og fremje dei gjennom dei rette organ.
g.       syte for at fylkesorganisasjonen får dei fastsette meldingane frå laget.
 
 
Årsmøte
Styret førebur og kallar inn til årsmøte. Årsmøtet skal kunngjerast ved skriftleg varsel til alle medlemmer seinast innan 14 dagar før møtet. Årsmøtet skal haldast innan utgangen av februar (jfr. §4, 1. ledd).
 
Årsmøtet skal:
a.    Handsame revidert rekneskap
b.    Handsame styret si melding om verksemda i laget
c.    Få melding om kommunestyregruppa si verksemd
d.    Gjere følgande val:
1. Leiar (veljast for to år på fyrste årsmøte etter Stortings- eller kommune- og
        fylkestingsval)
2. Nestleiar (veljast for to år på dei årsmøta der leiar ikkje er på val)
3. Studieleiar (veljast for to år)
4. Styremedlem(mer) - (veljast for to år)
5. Varamedlemmer
6. Ein utsending til fylkesårsmøtet med varamedlem (jfr. §4)
 
Alle val bør vere skriftlege og vert avgjorde ved alminneleg fleirtal.
 
 
 
§4. FYLKESORGANISASJONEN
 
Organiseringsform 1: Kvinnepolitisk utval
Senterkvinnene sitt arbeid i fylket vert leia av eit kvinnepolitisk utval beståande av leiar, nestleiar og studieleiar. Kvinneutvalet vert vald på årsmøtet til Senterpartiet.
 
Styret i kvinnepolitisk utval er representantar i fylkesårsmøtet til Senterpartiet.
 
Leiar i kvinnepolitisk utval er Senterkvinnene sin representant i fylkesstyret til Senterpartiet.
 
Kvinnepolitisk utval skal:
a.     Vere bindeledd mellom Senterkvinnene sentralt og lokalt – formidle kontakt, saker og idear begge vegar.
b.     Vere bindeledd mellom kvinnene og partiet gjennom at kvinnepolitisk utval sin leiar er medlem av fylkesstyret i Senterpartiet. Halde kvinnepolitisk utval i Senterkvinnene orientert  om det som føregår i fylkespartiet.
c.     Koordinere uttalar frå lokallagsstyre/kontaktutval/senterkvinnekontaktar/ vedkomande særskilde saker som Senterkvinnene sentralt har bede om uttale på, ved programhandsaming (Stortings- og fylkesprogram t.d.).
d.     Ta initiativ til aktivitet på fylkesplan, ved t.d. å ta opp konkrete saker med særskild interesse – lokalt og på fylkes- eller landsplan.
e.     Syte for at Senterkvinnene sin aktivitet og initiativ får omtale i media.
f.     Ta del i førebuande arbeid til fylkesting
g.     Sjå til kvinnene sin representasjon i fylkeskommunen, nemder og råd er best mogleg, helst i tråd med 40-prosentregelen til Senterpartiet.
h.     Arbeide for kvinnene sin representasjon ved Stortings-, fylkestings- og kommuneval.
i.     Syte for ein best mogleg kontakt med lokallagsstyre/kontaktutval/senterkvinnekontaktar – gje rettleiing og orientere om dei arbeidsoppgåver som kvinnene har lokalt.
j.     Handsame og eventuelt sende vidare saker som vert tekne opp lokalt.
 
 
Organiseringsform 2: Fylkesstyre
Senterkvinnene sitt arbeid i fylket vert leia av eit styre beståande av leiar, nestleiar, studieleiar og minimum to styremedlemmer med vararepresentantar. Styret vert vald på Senterkvinnene sitt årsmøte som vert halde ved slutten av arbeidsåret i mars månad. 
 
I styret møter óg ein representant vald av fylkesårsmøtet i Senterpartiet.
 
Leiar er Senterkvinnene sin representant i fylkesstyret for Senterpartiet.
 
Styret er representantar i fylkesårsmøtet til Senterpartiet.
 
Fylkesstyret skal:
k.     Vere bindeledd mellom Senterkvinnene sentralt og lokalt – formidle kontakt, saker og idear begge vegar.
l.     Vere bindeledd mellom kvinnene og partiet gjennom at Senterkvinnene sin leiar er medlem av fylkesstyret i Senterpartiet. Halde fylkesstyret i Senterkvinnene orientert  om det som føregår i fylkespartiet.
m.     Koordinere uttalar frå lokallagsstyre/kontaktutval/senterkvinnekontaktar/ vedkomande særskilde saker som Senterkvinnene sentralt har bede om uttale på, ved programhandsaming (Stortings- og fylkesprogram t.d.).
n.     Ta initiativ til aktivitet på fylkesplan, ved t.d. å ta opp konkrete saker med særskild interesse – lokalt og på fylkes- eller landsplan.
o.     Syte for at Senterkvinnene sin aktivitet og initiativ får omtale i media.
p.    Ta del i førebuande arbeid til fylkesting
q.     Sjå til kvinnene sin representasjon i fylkeskommunen, nemder og råd er best mogleg, helst i tråd med 40-prosentregelen til Senterpartiet.
r.     Arbeide for kvinnene sin representasjon ved Stortings-, fylkestings- og kommuneval.
s.     Syte for ein best mogleg kontakt med lokallagsstyre/kontaktutval/senterkvinnekontaktar – gje rettleiing og orientere om dei arbeidsoppgåver som kvinnene har lokalt.
t.     Handsame og eventuelt sende vidare saker som vert tekne opp lokalt.
 
 
Årsmøtet

Årsmøtet vert førebudd og kalla inn til av fylkesstyret med minst tre vekers varsel direkte til representantane, og skal handsame:
a.    opprop
b.    årsmelding
c.    melding om revidert rekneskap
d.    saker som er lagde fram for møtet. Saker til handsaming må vere komne inn til styret minst ein månad før årsmøtet og skal vere handsama av styret først.
e.    Val:
1.    Leiar for to år vert vald på første årsmøte etter stortingsval eller kommune-/fylkestingsval
2.    Nestleiar for to år vert vald på dei årsmøter der leiar ikkje er på val. Vert nestleiaren vald til leiar, vert ny nestleiar vald for eitt år
3.    Eit styremedlem for to år som skal fungere som studieleiar.
4.    To styremedlemmer for to år
 
Leiar eller nestleiar og halvparten av styret sine medlemmer vert fyrste gong valde for eitt år, slik at halvparten av årsmøtevalde styremedlemmer går ut kvart år.
 
5.    Tre varamedlemmer i rekkefølgje, valde for eitt år
6.    To utsendingar til landsmøtet kvart andre år, med vararepresentantar. Leiaren i fylkesstyret er sjølvskriven.
7.    Medlem av valkomite til landsmøtet når fylket skal ha representant i denne
8.    Valkomite for neste års årsmøte på tre eller fem medlemmer.
 
Desse bør kallast inn spesielt til årsmøtet:
Senterkvinnekontaktar, Stortingsrepresentant(ar), kvinnelege fylkestings- og kommunestyrerepresentantar, sentralstyremedlemmer, kvinnelege ordførarar og varaordførarar, kvinnelege medlemmer i fylkesstyra og fylkeshovudutval, Senterungdommen og eventuelle gjester.
 

§5. HOVUDORGANISASJONEN
 
Senterkvinnene sitt arbeid sentralt vert i leia av eit sentralstyre og ein sekretær ansatt i Sps hovedorganisasjon.
 
Kvinneorganisasjonen sitt høgste styringsorgan er landsmøtet som er samansett av sentralstyret, fylkesleiarar/leiar for kvinneutvalet, to valde utsendingar frå kvart fylke, tre representantar frå fylkessekretærane og Senterpartiet sine kvinnelege sentralstyremedlemmer.
 
Landsmøtet vert halde annakvart år, innan utgongen av april.

Mellom landsmøta er landsstyret Senterkvinnenes høgste styre.
 
Sentralleddet arrangerer skoleringskurs og konferansar for tillitsvalde så ofte ressursane tillet det.
 
1. Landsmøtet
Sentralstyret skal minst tre månader før landsmøtet kunngjere tid og stad for dette.
 
Ekstraordinært landsmøte kan samankallast når styret ser det nødvendig.
 
Saker som skal handsamast på møtet må vere styret i hende to månader før møtet.
 
Val:
Landsmøtet skal gjere følgande val. Alle val gjeld for to år, og skal veljast skriftleg.
a.    Leiar
b.    Nestleiar
c.    Studieleiar
d.    Fire styremedlemmer
e.    Fem varamedlemmer i rekkjefølgje
f.    To medlemmer med varamedlemmer til representantskapet i Senterpartiets Studieforbund
g.    Dei fylka som skal ha medlem i valnemda for neste landsmøte. Medlem til valnemda vert vald på dei aktuelle fylkesårsmøta/fylkesårsmøta i Senterpartiet. Valnemda vel sjølv sin leiar.
 
Landsmøtet sine vedtak vert fatta med vanleg fleirtal i alle saker, unnateke lovsaker som krev 2/3 fleirtal.
Styret kan seg imellom velje arbeidsutval.
 
Til landsmøtet vert også invitert representantar frå:
Senterpartiet sitt sentralstyre, Senterpartiets Hovedorganisasjon, Senterpartiet si stortingsgruppe, Senterungdommens Landsforbund, utanlandske gjester, pressa, representantar frå vertsfylket og andre gjester.


2. Landsstyret
Landsstyret består av Senterkvinnenes sentralstyre og fylkesorganisasjonenes ledere.

Landsstyret sammenkalles når sentralstyret finner behov for det, og ellers dersom minst ¼ av landsstyrets medlemmer krever det.

Landsstyret sammenkalles fortrinnsvis i forbindelse med Senterpartiets landsmøter.


3. Styret
Styret leier og har ansvaret for Senterkvinnene si daglege verksemd. Det har ansvar for at landsmøtet sine vedtak vert følgde, leier det politiske og organisatoriske arbeidet, nemner opp komitear som dei finn naudsynte og forvalter dei økonomiske midla.
 
Styret skal følgje arbeidet i fylkesorganisasjonane, og i samarbeid med desse leggje vilkåra til rette slik at arbeidet vert drive effektivt i alle delar av landet.
 
Finn styret at det politiske eller organisatoriske arbeidet i eit fylke ikkje er tilfredsstillande, kan det krevje at det gjerast tiltak for å bøte på dette.
 
Leiaren for Senterkvinnene er medlem av Senterpartiet sitt sentralstyre.
 
Tre medlemmer av Senterkvinnenes styre er medlem av Senterpartiet sitt landsstyre.
 
Styret har ein sekretariatskontakt i Senterpartiets Hovedorganisasjon, som bistår med dei daglege gjeremåla.
 

---

VEDLEGG
 
Retningsliner for val på landsmøtet
 
1.    Tillitskvinner som seier frå seg attval, må gjere dette skriftleg til sekretær/valkomite innan tre månader før landsmøtet.
2.    Sekretær sender etter at fristen er ute liste til fylkesorganisasjonane over dei som har sagt frå seg attval.
3.    Fylkeslaga kjem med framlegg på tillitskvinner innan to månader før landsmøtet
- forslaga vert sende til leiaren i valnemda
- framlegga må vere underskrivne og grunngjevne
4.    Valnemda sitt framlegg må vere utsendt til landsmøtedeltakarane
5.    Det skal gjerast følgjande val på landsmøtet:
a.    Leiar
b.    Nestleiar
c.    Studieleiar
d.    Fire styremedlemmer
e.    Fem varamedlemmer i rekkjefølge
f.    To medlemmer med varamedlemmer til representantskapet i SpS
g.    Velje dei fylka som skal ha medlem i valnemda for neste landsmøte. For å sikre kontinuitet i valnemda sitt arbeid er leiaren i valnemda vanleg medlem av valnemda til neste landsmøte.
     
Alle val gjeld for to år, og skal vere skriftlege.
 
 
 
 
Retningsliner for dekking av reiseutgifter til landsmøtet
 
Senterkvinnene dekker opphaldsutgiftene for valde utsendingar.
 
Reiseutgiftene etter billigaste reisemåte på vanlege samferdselsmiddel vert delte mellom fylka og Senterkvinnene. Fylkeslaga betaler ein minstesum som vert fastsett av styret for kvart landsmøte. Senterkvinnene betaler det overskytande.
Reiseutgifter ved bruk av bil betalast som togbillett om ikkje anna er særskild avtalt. Køyrer fleire saman held ein seg rett til å betale ein skjønnsmessig pris for køyringa sett i høve til offentlege samferdselsmiddel.
 
 
 
Statuttar for Senterkvinnene sitt æresteikn – Såkvinna
 
Etter vedtak på Senterkvinnene sitt landsmøte i 1976 er Såkvinna innstifta som Senterkvinnene sitt æresteikn for fortenstfull innsats.
 
Landsmøtet har vedteke følgjande statuttar:
1.    Utdeling
Såkvinna kan tildelast kvinner og menn som:
a)      som Senterkvinnene sin representant, tillitskvinne eller på annan måte har gjort ein framragande samfunnsinnsats for å styrkje kvinnene si politiske stilling i Senterpartiet og/eller i samfunnet elles.
b)     gjennom mangeårig arbeid i og for Senterkvinnene sin organisasjon har gjort ein framragande innsats for å styrkje og feste Senterkvinnene si stilling.
 
Vedtak om tildeling av Såkvinna vert gjort av styret i Senterkvinnene.
 
2.    Framleggsrett
Styret for Senterkvinnene sine fylkesorganisasjonar kan sende skriftleg grunngjeve framlegg på kandidatar til Såkvinna. Den same framleggsrett har sentralstyret i Senterpartiet, fylkesstyra og ungdomsorganisasjonen. Framlegga sender ein til Senterkvinnene sitt styre.
 
3.    Diplom
Den som vert tildelt Såkvinna skal samstundes tildelast eit diplom der grunnlaget for tildeling vert nærare presisert. Diplomet vert underteikna av Senterkvinnene sin leiar og nestleiar.
    
4.    Endring av statuttane
Endring av statuttane kan vedtakast av landsmøtet i Senterkvinnene.