Senterpartiet ynskjer å oppretthalde våre nasjonale høve til å sikre gode og likeverdige lønns- og arbeidsvilkår i alle delar av arbeidslivet. Landsstyret i Senterpartiet vil behalde den lokalpolitiske styringa av korleis mellom anna offentlige tenester som helsetenester, skole, transport og produksjon av elektrisk kraft skal organiserast. EØS-avtala har gripe inn i vår nasjonale politikk på ein langt meir omfattande måte enn ein såg for seg då avtala blei vedtatt. Det er og erkjent av tilhengarane av avtala.

Senterpartiet sitt landsstyre vil ikkje godta ein politikk som kan slå beina under eit anstendig arbeidsliv og føre til sosial dumping. Alt peikar derfor i retning av at reservasjonsretten mot tenestedirektivet bør nyttast.