[05.01.12 09:39] Ordførar Jon Askeland vart invitert av Fylkesmannen til å delta i eit rådslagsmøte med Statsministeren på Leikanger 5. januar. Statsministeren varsla i nyårstalen sin at han vil til Vestlandet og søkja råd om beredskap etter juleorkanen. Radøy vart tidlegare i haust kåra til årets beredskapskommune i Hordaland, og ordføraren får no dela tankar med statsministeren i saka.

Ordføraren vil ta med synspunkt samla opp frå kommuneplanarbeidet i Radøy, og frå drøftingane i kommunen etter juleorkanen. Ordføraren vil snakka etter nasjonale og kommunale linjer. Han vil leggja vekt på å ta vare på enkeltmennesket i slike situasjonar,- då vert ansvarsrett ved byggesaker viktig stikkord.