Kommunal- og regionalminister Liv Signe Navarsete inviterer igjen fylkeskommunane i det distriktspolitiske verkeområdet til å gjennomføre prøveprosjekt med føraropplæring i vidaregåande skule.

Store avstandar til føraropplæring skapar utfordringar for mange unge i Distrikts-Noreg som vil ta førarkort. Unge er ei viktig målgruppe i distrikts- og regionalpolitikken.

- Målet er å gjere trafikkopplæring for distriktsungdom meir tilgjengeleg og billigare for elevane, som får reduserte kostnader til transport, seier kommunal- og regionalminister Liv Signe Navarsete.

Dette er ei vidareføring av eit prøveprosjekt om føraropplæring frå perioden 2007-2009. Då gjennomførte seks vidaregåande skular ulike prosjekt. Det var ein del av regjeringa si satsing på trafikktryggleik og ungdomstiltak i distrikta.

- Resultata var så gode at me ynskjer å spreie desse erfaringane til fleire skular og fylke. Mellom anna såg me at strykprosenten til førarprøva vart lågare, og at fråværet og kostnadene i samband med reise til køyretimar gjekk ned. Dette bygde me vidare på i 2010 og 2011 og no held prøveprosjektet fram i 2012, seier statsråden.

I 2010 blei det tildelt midlar til 13 skular i 8 fylkeskommunar, og i 2011 førde 9 av skulane prosjektet vidare. Ytterlegare 9 skular starta opp.

Skular som alt har tilbod om føraropplæring, og ynskjer å fortsetje, kan søke om midlar. Skular som har vore med i forsøksordningar