Til dei politiske partia i Tingvoll

Senterpartiet inviterer til å starte valgkampen med ei felles markering rundt eit lokalpolitisk manifest der vi som lokalsamfunn

• Tek avstand frå terrorhandlingar og vald
• Tek avstand frå ordbruk og handlingar som nører opp om frykt for og hat mot andre kulturar
• Sluttar opp om økokommuneerklæringa, som på eit breitt grunnlag synleggjer respekt for natur, miljø og menneske

Vi skal ikkje slutte å diskutere politiske løysingar. Vi skal ikkje slutte å vere usamde om politiske vegval. Men vi skal vise større respekt for ulike syn, ulike kulturar og ulike meiningar. Tingvoll har eit spesielt ansvar og behov for eit slikt manifest i og med at vi er ein svært fleirkulturell liten kommune. Vi vilbe folk nytte seg av røysteretten og halde demokratiet i hevd.

Vi vil foreslå ei markering på Gunnars plass, der alle parti-leiarane held ein kort appell, der vi tenner lys og har kulturinnslag og enkel servering, og der vi møter folk til ein prat. Vi trur det er mange som vil delta med song, musikk og lyrikk på ei slik markering. Vi vil også foreslå at vi prøver å få ein talar utanfrå til å delta.

3. august 2011

Tingvoll Senterparti

Peder Aasprang                                                          Kristin Sørheim