Til forsiden
Du er her: Sp der du bor  / Møre og Romsdal 


Toppkandidaten:

Storsatsing på samferdsel

[30.06.11 13:10] Oddbjørn Vatne er førstekandidat på Møre og Romsdal si fylkestingsliste. Oddbjørn sitt slagord er: Storsatsing på samferdsel skal gi bulyst og attraktive arbeidsplasser.


Oddbjørn Vatne er fødd 3. september 1948 og bur på Vatne i Haram kommune. Han er utdanna adjunkt og er medlem av samdrift som driv mjølkeproduksjon.

Oddbjørn var ordførar i Haram 1999-2007, varaordførar 1992-99 og sat i formannskapet frå 1983-2007.

Oddbjørn er medlem av fylkestinget og fylkesutvalet i inneverande periode og var nestleiar i samferdselsutvalet i forrige periode.

Han er leiar i Senterpartiets fylkestingsgruppe og møtte som varamann på Stortinget 2005-09.

Oddbjørn Vatne har vore nestleiar i konsernstyret i Tafjord kraft og tok initiativet til oppstart av Naturgass Møre og har vore med i styret der.

Møre og Romsdal Senterparti si liste til Fylkestingsvalet 2011:

 

Senterpartiet har valt ut 15 saker vi vil prioritere i den komande fylkestingsperioden:


 

Senterpartiet vil:

  1. Vidareutvikle ungdomskortet til å bli eit kort for kultur- og bibliotektenester
  2. Vidareutvikle det desentraliserte skuletilbodet, slik at dei mindre skulane framstår som unike og er ei drivkraft for sin region
  3. Oppretthalde eit fagskuletilbod både i Ålesund og Kristiansund, og gjennom samarbeid med staten sikre finansieringa av desse
  4. Arbeide for at køyreopplæring blir valfag i vidaregåande skule
  5. Forbetre skuleskyssen gjennom redusert vente- og reisetid, sitjeplassar med setebelte til alle
  6. Auke løyvingane til høgskulane og forskingsinstitutta som utviklingsaktørar for næringsliv og samfunnsliv i fylket
  7. Arbeide for faste høgskuletilbod i Kristiansund
  8. Vidareutvikle satsinga på den kulturelle skulesekken, barnehagesekken og spaserstokken
  9. Ferdigstille kraftlina Ørskog – Fardal innan 2014/15
  10. Påskunde arbeidet med å innføre felles betalingssystem for ferjer og bomstasjonar
  11. Oppruste alle fylkesvegane med fast dekke innan 2013
  12. Arbeide for ferjefrie fjordkryssingar på kyststamvegen (E39) og arbeide for fleire fastlandssamband
  13. Styrkje distriktsdrosjene ved tilbakeføring av sjuketransporten, TT-transport, bestillingsopplegg og lokal rutekøyring
  14. Auke kapasiteten og frekvensen i ferjetrafikken
  15. Arbeide for at Stad Skipstunnel vert prioritert og realisert som eit nasjonalt prosjekt

Tips en venn

Skriv ut Skriv ut