I tida med  Senterpartistatsrådar (frå 2005) har løyvingane til veginvesteringar  auka kraftig og for 2010, 2011 og 2012 vil investeringane på stamvegane og dei nye fylkesvegane (tidlegare øvrige riksvegar) passere 1 milliard pr. år.

Rassikring av vegar i fylket får no eit kjempeløft. Oppdølsstranda, Vågetunnelen,

Hjartåberga og Stranda-Hellesylt får over nokre år løyvingar på over 2,5 milliard.

Bondevik 2 ville ha brukt 40 år på slike investeringar i rassikring i Møre og Romsdal.

Senterpartiet har vore opptatt av at veginvesteringane skal fordelast utover heile landet.

Dette er ei stor endring i høve til høgredominerte regjeringar, som har styrt løyvingane inn mot Oslo-området. Det er også nytt at lovnadane i Nasjonal transportplan (NTP) vert oppfylt. Senterpartiet og regjeringa har no store ambisjonar for den nye NTP´en

2014-2023. Statsråd Kleppa har gitt startsignal for ei storsatsing på ferjefri Kyststamveg frå Kristiansand til Trondheim. Kryssing av Storfjorden, Romsdalsfjorden og Halsafjorden er noko av det som skal på plass gjennom dette prosjektet.

Senterpartiet i Møre og Romsdal har eit nært samarbeid med sine statsrådar. Vi meiner at dette også gjer sitt til at vi får igjennom så mange prosjekt. Mange prosjekt er i gang og fleire ligg i startgropa.

Med helsing

Oddbjørn Vatne,

Fylkesordførarkandidat for Sp