Regjeringa la i dag fram forslaget som særleg rettar seg mot mindre kraftverk og kraftselskap. - Senterpartiet har sidan virkninga av statsbudsjettet 2008 vart kjend arbeida for å betre skattereglane for småkraftverka. Den gongen vart den nedre grensa for kva slags kraftverk som vart omfatta av grunnrenteskatten redusert frå 5500 kVA til 1500 kVA.

- Vi ynskjer å få på plass meir fornybar energi. Av omsyn til miljøet og utnyttinga av energipotensialet i distrikta, er det naudsynt på ei småkraftsatsing, seier Sande, som syner til at det er mange interessante prosjekt rundt om i landet. Endringa for eksisterande og omsøkte kraftverk vart reversert i januar i år. I revidert nasjonalbudsjett blir det og reversert for nye kraftverk. Dimed må ingen kraftverk under 5500 kVA frå no av betale grunnrenteskatt.

- Småkraft blir utruleg viktig i samband med evalueringa av energilova, og der vil dety kome meir om dette emnet, seier Sande, som legg til at utbetalingsordninga for opparbeida negativ grunnrente òg er viktig for å få likskap mellom mindre kraftverk og kraftselskap. 

- Regjeringa tek no skattemessige grep som gjer det mogleg å leggje til rette for opprusting og utviding av småkraftverk, seier Sande.