Rundt 70 tilhøyrarar møtte opp for å sjå og høyra debatten, som eigentleg ikkje fekk fram stort meir enn at dei fleste ønskja å fortsetja å driva Radøy langs same spor som i dag.

Jon viste tydleg kven som var mest kunnskapsrik i panelet. Det vart vanskeleg for spørsmålstillarane, og for dei andre kandidatane, å få inn gode argument for å skifte styre. Særleg tydeleg vart dette når ingen av kandidatane ville gjere særlege endringar, verken i eigedomsskatten, skulepolitikken, tenestetilbodet, privatiseringsspørsmål eller anna.

Senterpartiet vart utfordra på næringpolitikk, men Jon svara at det er fleire arbeidsplassar i privat næringsliv i Radøy i dag, enn for fire år sidan. Det er meir areal tigjengeleg no enn for fire år sidan, og kontakten med næringslivet er god. Jon er også kjent for å ver ein næringslivsmann, med fartstid som vestlandsdirektør i Felleskjøpet.

Senterpartiet vart utfordra på å vere sinke i vegsaker. Det parerte Jon enkelt ved å visa til at Senterpartiet har stått støtt i NHpakken, og aldri stemt imot. I tillegg har ordføraren eit nettverk som han har drege nytte av for å påverka fylkespolitikarane.

Radøy - den grøne øya er eit varemerke. Det betyr ulikt alt etter kven som bruker det. Senterpartiet ønskjer at det skal stå for vekst og trivsel.