Resolusjon vedtatt av Senterpartiets landsmøte på Lillehammer 18. mars.

Miljøpartiet Sp vil heve ubåtvraket ved Fedje

Landsmøtet i Senterpartiet deler den frykt og uro innbyggjarane langs kysten har for ei tildekking av ubåten ved Fedje. Vert kvikksølvet fjerna vil risikoen for all framtid vera borte, medan det med ei tildekking heile tida vil vera ein risiko for moglege utslepp av kvikksølv.

Landsmøtet i Senterpartiet oppmodar Regjeringa og fiskeriministeren til å gjennomgå saka på nytt. Ulike aktørar har dokumentert at teknologien er på plass for å kunna heva ubåten utan at kvikksølvet lek ut, og ekspertar meiner denne teknologien er meir tilfredsstillande.

Landsmøtet i Senterpartiet meiner at alle sider i denne viktige miljøsaka må belysast. Senterpartiet kan ikkje gå på akkord med mattryggleiken i havet.