Fylgjande har vore med i styret siste året:

Olaug Stava Farbu, leiar

Synnøve Gjersdal, nestleiar

Aud Ellen Risa, styremedlem

Liv Heen Lied, styremedlem

Halldis Eikeland, styremedlem

Ivar Finnesand, representant frå fylkesstyret

Anne Marie Asserson, 1. vara

Elfrid Ravnås, 2. vara

Ellen Vaage Liestøl, 3.vara

Styret

Senterkvinnene sette seg mål for 2006 å auka aktiviteten i styret. Styret har  hatt 5 styremøte.

I tillegg har det  ved behov, vore kontakt pr. telefon/mail.

Ulike tema har vore drøfta:

-        etablering av kvinnelege arbeidsplassar

-        kyrkje- stat

-        nye regionar

-        kvinner og pensjon

-        vald mot kvinner

-        sjukemeldingsordninga

-        eigenbetaling ved blå resept

-        hjelpetiltak i heimen ved kronisk sjukdom

Studiearbeid

I junistyremøtet bestemte styret å starta opp tidleg og kombinera styremøte med studiearbeid. Målet var å skolera og inspirera senterkvinner til å ta del i politisk arbeid.

Styret valde å gå inn for studieringen: ”Staten og den norske kirke”.

”Senterpartiet vil ha ei open og inkluderande folkekyrkje der det skal vera plass for lita tru og stor tvil, har tidlegare leiar av Senterkvinnene, Inger Enger, uttalt. Debatten om å skilja mellom staten og kyrkja eller om ein klarer å behalda den 500 år gamle statskyrkjeordninga av i dag, er i full gang. Senterpartiet meiner folk bør få uttala seg om denne viktige saka. Og då må kunnskapane liggja der.

Fram til årsmøtet har ein hatt 4 studieringsamlingar. Den 2. november møtte styret hos Liv Heen Lied for å fordela møta betre mellom sør- og nordfylket. Ein tar sikte på å avslutta studieringen i januar 2007.

Temamøte

For å fylgja opp årsmøtet 2005 som tok føre seg vald mot kvinner, arrangerte Senterkvinnene i Rogaland måndag den 2. oktober ope møte for senterkvinner i Stavangerregionen. Annette Hagelin frå Albertine-bevegelsen møtte. Ho fortalde svært så fengande om arbeidet som dei 10 Albertinemedarbeidarane driv.  Dei gir tilbod om ulike tiltak til kvinner som prøver å leva eit liv utan rus, men har og oppsøkjande teneste på gata for dei som treng hjelp. Albertine skal vera eit lågterskeltilbod for kvinner med prostitusjonserfaring. Omsorga skal mellom anna gis til kvinner i form av stader å vera og helsetilbod, uavhengig av kva situasjon kvinnene er i. Om kvinnene ynskjer endring i livet sitt, ser Albertine det som si oppgåve å hjelpa og støtta.

Ho tok også opp tilhøva dei utanlandske  prostituerte jentene lever under den tida dei er i Stavanger. Det er framleis eit vanskeleg spørsmål om det er rett å forby prostitusjon med lov og kriminalisera horekundar. Vil det gjera livet lettare for dei det gjeld?

Senterkvinnenes landsmøte 2006

Senterkvinnene i Rogaland møtte med nestleiar, Synnøve Gjersdal, og leiar på Senterkvinnenes Landsmøte i Bergen 6.- 7. mai der Margaret Eide Hillestad frå Oslo blei einstemmig vald som ny leiar etter Inger Enger.

Kurs/samlingar

Samlokalisert med Sps landsstyremøte, blei det 10.- 12. mars arrangert eit opplærings- og oppmuntringskurs på Vettre i Asker. Olaug Stava Farbu var invitert og møtte for Rogaland saman med Bjarne Kvadsheim og Odd Arild Kvaløy. Om lag 30 senterkvinner var samla. Ein del av programmet var felles for alle, men dei ulike gruppene hadde eigne fora der aktuelle saker blei tatt opp. Senterkvinnene tok føre seg tema som: Kvinner og væpna konflikt, kommunikasjonsprosessar, ulike organiseringsmodellar og EUs tenestedirektiv. Kursdeltakarane fekk og med seg Åslaug Hagas tale til landsstyre.

Senterkvinnene møtte med leiar på helgesamlinga for fylkesstyret og fylkestingsgruppa på Kronen Gård i Sandnes 1.- 2. september. Eit viktig tema der var statsbudsjettet for 2007 med innspel frå deltakarane om budsjettsaker frå Rogaland. Statssekretær Bjørn Arild Gram orienterte.

Representasjon

Leiar representerte Rogaland Senterparti på Vestlandsmøtet i Selje 13.-15. september saman med Magnhild Meltveit Kleppa. Tema her var forskjellige former for samarbeid mellom Vestlandsfylka. Ulike regionsmodellar drøfta sjølv om oppgåvefordelinga endå ikkje låg føre. 

Olaug Stava Farbu sit som representant for Senterkvinnene i Senterpartiets studieforbunds representantskap og møtte på årsmøtet i Oslo 22. april og var med på eksraordinært årsmøte  pr. telefon 8. november.

Senterkvinner har elles vore med på ulike arrangement for Rogaland Senterparti der det har vore mogeleg. På årsmøtet for partiet møtte Synnøve Gjersdal, Aud Ellen Risa, Anne Marie Asserson, Liv Heen Lied (også representant frå Karmøy) saman med leiar.

Senterkvinnene har også medlem i valkomiteen for fylkestingsvalet.