Meny
Bli medlem

- Det er mykje som står på spel!

Sist endret: 27.09.2020
- Det er mykje som står på spel måndag! Kva er det som gjer at vi er så glade i landet vårt? At det bor folk og vert skapt verdiar i heile landet - frå Agder til Kirkenes, sa Senterpartileiar Liv Signe Navarsete i sin avslutningsappell på TV 2s partileiardebatt.

Senterpartileiar Liv Signe Navarsetes avslutningsappell på TV 2s partileiardebatt laurdag 7. september:

 

 

Det er mykje som står på spel måndag!



Kva er det som gjer at vi er så glade i landet vårt?

At det bor folk og vert skapt verdiar i heile landet - frå Agder til Kirkenes

At det er lys i vindauga og ungar på leikeplassane – BÅDE i byen og i bygdene.

At du får hjelp når ulukka er ute, same kvar du bur, eller kor stor lommeboka er.

At ungen din har det bra i barnehagen og skulen og at foreldra dine får god omsorg.

Den norske maten: Trygg. Rein. Kortreist. At jorda vert dyrka og kulturlandskapen halden i hevd.

At du har noko å seie i eigen kommune; Ja,  at mange av oss faktisk kan banka på døra til ordføraren.

At me styrer vårt eige land.

Det er viktige verdiar som  står på spel på måndag.



Du veit kor me i Senterpartiet står.

Godt val.