EIT GODT BUDSJETT FOR SOGN OG FJORDANE

Senterpartiet legg i dag fram sitt alternative budsjett.  – Budsjettframlegget inneheld ei lang rekke viktige tiltak for fylket vårt og Sogn og Fjordane Sp har fått stort gjennomslag for viktige saker i vårt fylke, seier fylkesleiar i Senterpartiet Sigurd Reksnes.  – Senterpartiet sitt budsjettframlegg har ei heilt anna innretning enn regjerings sitt framlegg.  Her brukar vi den politiske verktøykassa til å motverke sentralisering og styrke distrikta.  Der Regjeringa og støttepartia bevisst driv sentralisering, driv Senterpartiet ein aktiv distriktspolitikk der heile landet skal takast i bru, seier Reksnes. 

- I staden for ei villa nedbygging av tenestetilbod i store delar i landet frå den blå-blå regjeringa med støtte frå Venstre og Kristeleg Folkeparti, ynskjer vi eit systemskifte som aktivt arbeider for å utvikle tilbod, infrastruktur og næring i heile landet, seier Reksnes.  - I 2017 er det val av nytt storting.  Vårt alternative statsbudsjett viser kva som er viktig for Senterpartiet og som syner kva vi vil arbeide for om vi kjem i posisjon.

Reksnes held fram at det er mange einskildtiltak som gjeld fylket vårt i budsjettet.  Reksnes vil særleg framheve:

•        Ein styrka kommuneøkonomi med 94,4 mill. kroner meir til kommunane i Sogn og Fjordane enn regjeringa sitt opplegg (oversikt er vedlagt).  Dette vil betre økonomien i alle kommunane i fylket.

•        22 mill. kroner i tapskompensasjon til Sogn og Fjordane fylkeskommune og 34,3 mill. kroner meir til regional utvikling og 11,9 mill. kroner meir til næringsretta tiltak som kompensasjon for auka arbeidsgjevaravgift.  

•        20 mill. kroner til utbetring av flaskehalsar på E39 Byrkjelo – Sandane.

•        20 mill. kroner til planlegging og oppstart av E39 Sande-Myrmel.

•        Sogn og Fjordane får 7,3 mill. kroner meir til fylkesveier, 47,9 mill. kroner meir til tunnelvedlikehald og 10,5 mill. kroner meir til båt- og ferjedrift enn regjeringa sitt framlegg.  Senterpartiet føreslår også 100 mill. kroner til fylke med store båt- og ferjeutfgifter.

•        75 mill. kroner meir til flaum og skredførebygging nasjonalt.

•        Utviding av Vik fengsel (21 mill. kroner).

•        Auke tilskotspotten til breiband med 200 mill. kroner (nasjonal satsing).

•        100 mill. kroner til innovasjonsordninga for fornybar bygging av skip og auke i avskrivingssatsen for skip frå 14 til 20 %.

•        Betring i kraftverkskatten i Noreg som vil gje betre kommuneøkonomi i kraftverkkommunane, og legge grunnlag for reinvesteringar i kraftverka.

•        Auka kapasitet ved barnehusa (nasjonal satsing på 14 mill. kroner – medrekna oppretting av satelitt i Førde).

•        Styrking av distriktspolitiet med ei nasjonal satsing på 500 mill. kroner.

•        Nasjonal satsing på investeringsmidlar i landbruket med 200 mill. kroner.

•        Auka tilskot til Den norske kyrkja med 50,0 mill. kroner og rentekompensasjon for kyrkjebygg med 1,5 mrd. kroner (auka søknadsramme - nasjonal satsing).

•        Tilskotsordninga til fiskerihamner vert auka med 20 mill. kroner.

- Lista kunne vore laga mykje lenger, seier Reksnes, - mellom anna er det ei lang rekke nasjonale satsingar som og vil vere viktige for vårt fylke.  No skal vi jobbe for å få gjennom mest mogleg av dette i Stortinget.  Eg veit at både KrF og Venstre er samd i mange av desse punkta – no er det opp til dei om dei ynskjer å støtte desse og på den måten vere med å arbeide for politisk fleirtal for desse sakene.

– Det blir ein spennande budsjetthaust, avsluttar fylkesleiar i Senterpartiet i Sogn og Fjordane Sigurd Reksnes.

- Senterpartiet ynskjer ei desentraliseringsreform – vårt alternative statsbudsjett er eit godt utgangspunkt for dette. 

TABELL MED OVERSIKT OVER KOMMUNEØKONOMIEN.