Gå til hovedinnhold

Senterpartiets fylkesårsmøter 2026

Fylkesårsmøtet 2023
Det er venta stort oppmøte på Senterpartiets fylkesårsmøter også i år, over 1 700 delegatar. I tillegg kjem mange observatørar og gjester. Alle 17 fylkeslag i partiet har årsmøte kvart år, og i år startar det med Buskerud Sp 13.-14. februar og avsluttast med Finnmark Sp 14.-15. mars. På programmet står generell politisk debatt, vedtak av fråsegner, val av fylkesstyre og andre årsmøtesaker.

Politiske verkstader

Først på dei fleste fylkesårsmøte er det ein generell politisk debatt. Etter ein eller fleire sentral innleiar har heldt sin politiske tale, så kan delegatane tala om det som dei har på hjarta og som er viktig for dei og lokallaget deira no.

I 2025 vedtok fylkesårsmøta til saman nesten 100 uttalar på dei 17 fylkesårsmøta, altså nesten seks uttalar i snitt. Tema for uttalane spreidde seg over svært mange politiske saksfelt. Alle uttalar og resultat frå fylkesårsmøta vert vidareformidla til både sentralstyret i partiet og til stortingsgruppa.

Val av fylkesleiar i år

Ikkje alle i fylkesstyret er på val samtidig. I år, som er eit mellomvalår, er det fylkesleiar, studieleiar og halvparten av styremedlemane samt vararepresentanter for heile styret i nummerordning som er på val. I valår er det 1. og 2. nestleiar, den andre halvparten av styremedlemane og alle vara som normalt er på val. Fylkesårsmøtet handsamar også årsmelding og rekneskap samt retningslinjer for partiarbeidet framover.

Store fylkesårsmøte

Antal delegatar er rekna ut frå lokallagas rett på delegatar ut frå m. a. talet på:

  • røyster i stortingsvalet i 2025,
  • lokallagsleiarar
  • ordførarar
  • gruppeleiarar i kommunestyra
  • fylkesstyra
  • fylkestingsrepresentantar
  • talet på medlemar i lokallaget
  • fem representantar for Senterkvinnene
  • fem frå Senterungdommen

Det kan til saman på alle fylkesårsmøta i år vera over 1 700 delegatar totalt.