Kommunevalprogram Ål Senterparti 2023 - 2026

| Kommunestruktur | Klima, miljø og arealforvaltning | Bustadkommune| Næringskommune | Helse | Oppvekst, kultur og fritid | Barn og unge |

Kommunestruktur - Me vil:

• Halde på Ål som sjølvstendig kommune. Interkommunalt samarbeid er ein betre måte enn kommunesamanslåing for å byggje gode lokalsamfunn

 

Klima, miljø og arealforvaltning – Me vil:

• Framleis ta vare på dei unike naturverdiane våre i skog og fjell med jakt og beitebruk og evigvarande moglegheiter for opplevingar, rekreasjon og berekraftig næringsutøving.
• Forvalte Nordfjella slik at villreinen har gode levekår når stamma skal reetablerast.
• At kommunen gjer klimavenlege val innan bygg og anlegg
• Verne om utmarksbeite, og ha nullvisjon for nedbygging av dyrka jord
• At eldre reguleringsplanar og hyttetomter skal vurderast på nytt i samband med rullering av kommuneplanen sin arealdel.
• At det ikkje skal opnast for nye hyttefelt i perioden
• Utvide gang- og sykkelnettet mellom bygdene

 

Bustadkommune - Me vil:

• Sikre og utvikle likeverdige kommunale tilbod som skule, barnehage, symjebasseng og fiber i heile kommunen
• Sørgje for varierte bualternativ i heile kommunen, og arbeide for at dei som ynskjer å bygge i grendene får høve til det
• Realisere planlagde bustadtomter i komande periode
• Auke bruken av startlån til kjøp eller tilpassing av eigen bustad, og gje kommunalt tilskot til fyrstegongsetablering
• Halde oppe buplikta
• Styrke arbeidet med å rekruttere og behalde folk i kommunale stillingar
• Arbeide for god tilrettelegging for nye innbyggjarar både i arbeid og på fritida
• Når kraftinntektene er gode, vil me halde ein låg sats på eigedomsskatten

 

Næringskommune - Me vil:

• At kommunen bidreg til eit allsidig og berekraftig næringsliv
• Arbeide for god tilrettelegging og utvikling av næringsområde som i Kleivi, Torpomoen og Torpo Næringspark
• Utvikle næringsområdet på Busemoen i komande periode
• At Ål framleis skal vere ein sterk og aktiv landbrukskommune
• Halde fram ordninga med tilskot til nydyrking
• Styrke utmarksoppsynet
• At landbrukseigedomar ikkje skal overtakast av aksjeselskap
• Unngå å dispensere frå overordna planar

 

Helse - Me vil:

• At Ål skal vere ein sterk helsekommune
• Arbeide for nok sjukeheimsplassar og omsorgsbustadar som kan tilpassast ulike behov
• Styrke heimetenesta
• Vidareutvikle velferdsteknologi som eit brukartilpassa tilbod i sektoren
• Auke grunnbemanninga i sektoren og satse på lærlingar som ein viktig ressurs for rekruttering
• Ha eit tenleg behandlingsbasseng
• Halde velferdstenestene under offentleg styring
• Hallingdal Sjukestugu skal vere ei fyrlykt for eit avansert og desentralisert helsetilbod
• Bruke Hallinghelse som ein aktiv medspelar for å utvikle helsearbeidet
• Auke medvitet rundt tobakk og rusmidlar

 

Oppvekst, kultur og fritid - Me vil:

• Halde på ein desentralisert skule- og barnehagestruktur. I møtet med mindre barnekull må fådeltpedagogikk få større rom innan kompetansehevinga for lærarane.
• At Familiens Hus må ha kompetanse og økonomi til å møte utfordringane ein ser i barne-, ungdoms-  og familielivet
• Gå inn for at skulemat skal ha ein plass i skulekvardagen
• At praktisk tilrettelegging av fag og Ungt entreprenørskap vert styrka
• At kulturhuset skal vera ein møteplass i lokalsamfunnet til bruk for kulturskule, kino, ungdomsarbeid, bibliotek og større og mindre kulturopplevingar
• Styrke arbeidet med folkemusikk og tradisjonsdans både lokalt og regionalt, og arbeide for å opprette stillingar innan feltet
• Arbeide for å få meir desentralisering i nye Buskerud Fylke mellom anna med eit fylkessenter for kultur eller naturforvaltning lagt til Ål
• Halde på nynorsk som administrasjonsmål i Ål
• At kommunen skal vere ein aktiv og betydeleg samarbeidspartnar og bidragsytar til idrett, lag og kulturliv ved arrangement og drift
• At frivilligsentralen og ungdomsfrivilligsentralen skal ha ei viktig rolle i det frivillige- og kommunale Ål
• Sikre kyrkja gode driftsvilkår

 

Barn og unge - Me vil:

• At det skal vera nært samarbeid mellom kommunen og dei som driv frivillig arbeid for å sikre eit allsidig tilbod. Tilbodet må vera for alle uavhengig av økonomi.
• Styrke BUA slik at ordninga kan møte etterspurnaden
• Samarbeide tett med politiet for å avdekke og motverke rusproblematikk. Det førebyggjande arbeidet mot narkotika må styrkast.
• Styrke helsetilbodet for ungdom og unge vaksne. Denne gruppa må ha eit velfungerande helsetilbod med fleksible opningstider.
• Bruke ungdomsrådet som ein aktiv samarbeidspart