Aleksander Øren Heen instillt på topp for Senterpartiet før valet i 2027

Aleksander Øren Heen (37) kjem frå Årdal og bur i Sogndal.

Han er utdanna byggmeister og driv sitt eige byggfirma.

Øren Heen er i dag gruppeleiar for Senterpartiet i Vestland fylkesting og sit i fylkesutvalet.

Han har fleire periodar som fylkestingsrepresentant bak seg, både i Vestland og i Sogn og Fjordane.

Aleksander har i tillegg vore møtande vara på Stortinget for Sogn og Fjordane, og sat som statssekretær i Klima – og Miljødepartementet under regjeringa Støre 1.

På andreplass har nemnda innstillt Sara Hamre Sekkingstad (33).

Sara kjem frå Radøy i Alver kommune og sit no som ordførar i sin andre periode. Ho har takka nei til attval som førstekandidat i Alver.

Sara bur i Knarvik.

Ho har ein periode som fylkestingsrepresentant bak seg, i tidlegare Hordaland.

Sara har også vore 1.vara til Stortinget for Hordaland i førre Stortingsperiode.

Jakob Bjelland (53) er innstillt på tredjeplass.

Jakob kjem frå Stord og jobbar til dagleg i som fagansvarleg for krafthandel i Sunnhordland Kraftlag.

Jakob har ein periode som fylkestingsrepresentant bak seg, i tidlegare Hordaland.

Han har også vore statssekretær for regjeringa Støre 1, både i Samferdsle – og Finansdepartementet.

På fjerdeplass er ungdomskandidat Steffen Fjellestad (27) frå Gloppen føreslått.

Steffen er nyutdanna veterinær og sit som 2. vara til fylkestinget i denne perioden.

Tonje Ljones Såkvitne (33) er innstillt på femteplass.

Tonje kjem frå Granvin og sit no i sin første periode som ordførar på Voss.

Tonje sit også som fylkestingsrepresentant i denne perioden.

Leiar i nominasjonsnemnda, Hans Inge Myrvold, er særs nøgd med å ha landa ei solid liste med dyktige politikarar frå heile fylket.

Den endelege lista på 71 namn vil leggast fram av nemnda om kort tid, og endeleg liste skal vedtakast på nominasjonsmøtet i Vestland Senterparti 14.november i Sogndal.