Sikre og auke heilårsbusetting

Vi vil:

• stramme inn handheving av bu- og driveplikt på landbrukseigedomar
• greie ut nedsett konsesjonsgrense (nullgrense) for å sikre at flest mogleg eigedomar vert brukt til heilårsbustad
• dele frå bustadhus og småbruk der det ligg rette for det, slik at vi både sikrar busetting og levedyktige gardsbruk
• at kommunen skal ha attraktive, byggjeklare tomter i alle bygder
• at kommunen skal disponere hus og leilegheiter til utleige i alle bygdene for dei som vil prøvebu

Prioritere mental helse, inkludering og mangfald

Fjord Sp vil gjere mental helse til eit satsingsområde. Det handlar mykje om å bygge eit inkluderande og støttande miljø, og vise at Fjord kommune har plass til ALLE. «Kom som du er», er vårt motto.

Vi vil:

• vise at vi er eit samfunn som gir rom for at enkeltindivid kan uttrykke kjenslene sine utan å føle skam, føle seg som ei feilvare eller bli mobba, trakassert, diskriminert eller oppleve annan hatkriminalitet. Vi vil ta initiativ til å arrangere første «Fjord-pride» i Fjord kommune
• få på plass innflyttar-fadderordning og «speed-friending»-arrangement
• halde fram som MOT-kommune
• prioritere ressursar til tiltak og arrangement som samlar folk på tvers av bygdene
• arbeide for eit godt og aktivt bomiljø for alle, også for institusjonsbuarar

Sikre gode kommunale tenester

Vi vil:

• ha god legedekning i heile kommunen
• ha omsorgsbustader og sjukeplassar til dei som har behov
• halde fram med ordninga med utdanningsstipend mot bindingstid
• samarbeide med lokale private aktørar innan helse for å betre tilbodet på rehabilitering
• samarbeide med godkjende Inn på tunet-gardar om tilrettelagde velferdstenester på gardsbruk
• styrke kapasiteten ved teknisk, plan og byggesaksbehandling
• oppretthalde ein desentralisert skulestruktur
• ha nok barnehage- og SFO-plassar, og gjeninnføre søskenmoderasjon i barnehage
• legge til rette for sunn lunsj i skulane og barnehagane

Betre infrastruktur og samferdsel

Vi vil:

• prioritere vedlikehald av kommunale vegar og bruer
• arbeide for fylkeskommunal prioritering av gåande og syklande

Sikre klima, natur og miljø

Vi vil:

• legge til rette for aktivt beitebruk for å ta vare på kulturlandskapet, hindre attgroing og sikre naturmangfaldet
• hindre nedbygging av areal som kan brukast til matproduksjon
• arbeide for flaumsikring av elvar og bekkar
• legge til rette, styre og kanalisere ferdsel
• skape auka forståing for og kunnskap om naturverdiane våre

Sikre arbeidsplassar, kompetanse- og næringsutvikling

Vi vil:

• arbeide for ein reinare fjord, og legge til rette for ei berekraftig etablering av landbasert oppdrettsanlegg i Rødbergvika
• behalde tiltaksapparatet for næringsutvikling
• legge til rette for lærlingar
• satse på og legge til rette for landbruk
• flytte utmarksområde frå rovdyrprioritert til beiteprioritert sone
• vidareføre Fjord sin status som nasjonalparkkommune (NPKL), kraftkommune (LVK) og utmarkskommune (USS)
• utvikle pilegrimsleia Valldalsleden og verdiskaping knytt til Olavstradisjonen i heile kommunen fram mot nasjonaljubileeumsmarkering i 2029.

Bidra til eit aktivt kultur- og fritidstilbod

Vi vil:

• styrke kulturskulen
• vidareføre kommunal støtte til frivillige lag og organisasjonar
• halde fram med sommarskule-tilbodet
• støtte frivilligsentralane
• arbeide for å sikre kulturarven og verneverdige bygningsmiljø i kommunen

Fjord Senterparti vil på lang sikt arbeide for:

• tettstadutvikling i alle bygdesentra
• samarbeid med andre kommunar for å få utbetra viktige punkt på fv 650 mellom Stordal og Ørskog
• rassikring i Norddalsstranda og på Tafjordvegen
• utbetring av flaskehalsane på dei fylkeskommunale vegane i kommunen
• heilårsveg austover via Geiranger og bru over Norddalsfjorden
• å få lyntog på strekninga Ålesund-Oslo
• å forsterke støtteordningane til husdyrbasert landbruk