Rogalandsløftet 2025-2029
Sterke lokalsamfunn i heile Rogaland
Senterpartiet er garantisten mot kommunesamanslåingar. Gode lokalsamfunn er ein føresetnad for gode liv. Me skal sikra nok pengar til barnehage, skule og eldreomsorg. Me vil jobba for eldrevenlege samfunn. Staten og statsforvaltaren skal blanda seg mindre inn i kva som skjer lokalt. Me skal ha eit narkotikafritt Rogaland. Me skal halvera talet som står utanfor skule og arbeidsliv i Rogaland.
Låge og stabile straumprisar
Senterpartiet vil aldri godta eit system som gjer at straumprisane er høgare i Rogaland enn i resten av landet. Låge og stabile straumprisar skal vera eit gode for folk og næringsliv. Eksport gjennom utanlandskablane må stoppast når straumprisane er for høge.
Ein offensiv olje- og gasspolitikk
Senterpartiet garanterer at olje- og gassnæringa skal fortsetja å leita og utvinna, og at Rogaland skal styrkast som energifylke.
Matfylket Rogaland
Rogaland er Noregs matfat, og skal vera Noregs fremste matregion, med eit sterkt miljø for lokalmat. Dette gjer me ved å satsa på matfylket Rogaland gjennom ein offensiv jordbrukspolitikk. Senterpartiet skal bidra til at me sluttar å bygga ned matjord.
Fornuftig klima- og miljøpolitikk
Senterpartiet skal ta vare på jorda gjennom aktiv bruk. Kommunane skal ha vetorett når det kjem til vindkraft. Me skal føra ein fornuftig klima- og miljøpolitikk, men det skal ikkje vera gjennom auka avgifter.
Mindre til Oslo – meir til Rogaland
Me skal sikra at investeringar i sjukehus, kultur og idrett, samferdsel og forsvar og beredskap i større grad kjem til Rogaland.