Val 2023 Suldal
Ta heile Suldal i bruk
Senterpartiet vil at heile Suldal skal vera ein god kommune å leva i.
Senterpartiet vil byggja samfunnet nedanfrå. Me vil arbeida for eit samfunn der menneska kan utvikla seg fritt. Samfunnskontrakten skal oppfyllast av myndige menneske som tek ansvar for sitt eige liv, for fellesskapet og for naturen. Verdigrunnlaget til Senterpartiet er den kristne og humanistiske kulturarven. Kvart menneske er unikt og uerstatteleg, og menneskeverdet er ukrenkjeleg og overordna andre verdiar.
Senterpartiet meiner at aktiv forvalting og bruk er den beste måten å ta vare på naturen på. Norsk natur har ein verdi i seg sjølv som me må ta vare på for framtidige generasjonar.
Me vil arbeida for å motverka sentralisering og prioritera tiltak som kan skapa folketalsvekst i heile kommunen. Me ønskjer levande bygder og eit sterkt kommunesenter.
Senterpartiet vil ha aktive grendeutval.
