Sogn og Fjordane

Over tid har sentralstyringa av kommunane og lokalsamfunna blitt sterkare gjennom stadig meir detaljerte lover, forskrifter og rundskriv. Utviklinga fører til meir byråkrati og mindre handlingsrom for det lokale folkestyret.

Politiet i Vest har i lengre tid jobba med ein større omstillings- og strukturprosess. Eit mogleg resultat er at Sogn og Fjordane politidistrikt forsvinn som eiga eining. Senterpartiet er uroa for kva dette vil bety for tryggleiken til innbyggarane i Sogn og Fjordane.

Noreg skal vere eit trygt land å bu i – også i distrikta. Difor krev vi no ei nasjonal forpliktande responstid for ambulanse, uavhengig av postnummer. Liv og helse skal ikkje avhenge av geografisk busetnad.