Gjennomsnittleg trafikkerer 1400 køyretøy E134 over Haukelifjell i døgnet. Av desse er 22 prosent vogntog. Det gjer strekninga til ein av dei traseeane aust-vest med høgast andel godstrafikk.
Oppgraderinga av strekninga er langt på overtid og Vestland Senterparti er tydelege på at E134 Haukelivegen må bli prioritert i Nasjonal Transportplan (NTP):
Strekninga Bakka - Solheim, og ny tunell Seljestad - Røldal må på plass snarast.
Vidare må samferdselsministeren og regjeringa straks bestille ei utgreiing for arm til Bergen.
I påvente av ny E134 er store areal bandlagde, og set dermed ein stansar for næringsutvikling i fleire kommunar langs Haukelivegen.
Næringsliv både på aust- og vestlandet er også heilt klare i talen: E134 er den føretrukne og mest samfunnsnyttige åra mellom aust og vest.
Haukelivegen er avgjerande for å sikra eit framtidsretta vegnett.
Vestland Senterparti skal kjempa for ein oppgradert E134: ei trygg og framtidsretta vegløysing for både privatbilistar og næringsliv i store delar av Sør-Noreg.